عن تجربة.. متى نوقف مجاملة على حساب أنفسنا؟
كثير منا يحرج ويستحي 😩ويضغط على نفسه بس عشان ما يزعل فلان أو علان.. 😫😤لكن تدري إن كلمة "لا" في وقتها هي أكبر هدية تقدمها لنفسك؟
طيب متى فعلاً لازم تقولها؟❓🤔
إذا كان الموضوع على حساب راحتك ونفسيتك 💆🏻♀️ إذا جالك طلب وأنت مضغوط أو تحس إنك لو وافقت بتجلس طول اليوم شايل هم ومتكدر هنا قول "لا" وأنت تضحك راحتك النفسية أولى من أي "مجاملة" ممكن ترهقك✋
إذا كان يضيع "وقتك" وأنت عندك أولويات ⏰ عندك شغل عندك بيت 🏠 عندك عيال👦👧 أو حتى تبي وقت تقعد فيه مع نفسك. إذا أحد طلب منك شي بياخذ من وقتك المهم اعتذر بلباقة. تذكر إن يومك فيه 24 ساعة بس، وأنت أحق الناس فيها.
إذا حسيت إنك "مجبور" مو "راضي" ✋🏻 أحياناً نوافق على أشياء بس عشان "الناس وش بيقولون؟🙄. إذا كان فعلك للشيء طالع من ضغط أو خوف من كلام الناس، هنا "لا" 🙅🏼♀️هي القرار ✅. اللي يحبك صدق بيقدر ظروفك🤷🏻♀️
إذا كان الطلب ضد "مبادئك" أو "قناعاتك" 🚫 أي شي تحس إنه غلط أو ما يشبهك أو يخليك تحس بذنب لا تتردد لحظة. كلمة "لا" هنا هي اللي تحمي شخصيتك وقيمتك.
موقف صار لي وعلمني إن "رضا الناس غاية لا تدرك"
دايم نسمع إنك إذا قلت "لا" بأدب الناس بتقدر بس الصراحة؟ الواقع أحياناً يختلف.
أذكر وحدة من المعارف طلبت مني طلب كان بياخذ من وقتي وجهدي شي كثير، وأنا وقتها كنت حرفياً "مستنزفة" وعندي أولويات ببيتي ومع بناتي ما أقدر أأجلها. اعتذرت منها بكل ذوق، وشرحت لها إني والله ما أقدر حالياً.. وكنت متوقعة إنها بتقول "حصل خير".
لكن الصدمة؟ إنها زعلت! 🙄😨تغير أسلوبها، وصارت ترد بجفاف، وكأني "جحدت" كل اللي بيننا عشان هالموقف الواحد. في البداية ضاق صدري، وجلست ألوم نفسي: "يا ليتني ضغطت على نفسي😫 ولا شفت هالزعل"، وحسيت بضيق بصدري طول اليوم.😭
بس بعدين وقفت مع نفسي وقفة صريحة وقلت: "يا هاجر، اللي يزعل منك عشانك اهتميتي بنفسك وببيتك، هذا شخص يحب 'خدماتك😒
مو يحبك إنتِ تعلمت إن فيه ناس يبونك دايم على كيفهم وإذا قلت "لا" لمرة وحدة، نسوا كل شي زين سويتيه.👊🏻
النتيجة اللي طلعت بها: صح زعلت وصح الموضوع يضيق الصدر بس اكتشفت إن "لا" هذي كانت مصفاة صفت لي الناس اللي بجد يقدرون ظروفي من الناس اللي يبوني بس وقت حاجتهم.
الحين صرت أقول "لا" وأنا مرتاحة اللي يحبني بيعذرني، واللي بيزعل.. الله يحفظه 👋بس ما راح أعيش حياتي أرضي الناس وأحرق نفسي.🔥😤
نصيحة من القلب: ترا كلمة "لا" ما تنقص من قدرك ولا تخليك شخص سيء.. هي بس تخليك شخص "عارف قيمته"
سؤالي لكم: متى كانت آخر مرة قلتوا فيها "لا" وحسيتوا براحة؟ شاركونا مواقفكم! 👇🏻✨
تعليقات
إرسال تعليق