بين الهواش 🤬و الاحتواء🫂 كيف تكسبين قلب بنتك في سن المراهقة؟👧❤️
يا هلا والله بكل أم 💕 اليوم ودي أفتح معكم موضوع يبي له طولة بال وهو بناتنا في سن المراهقة تدرون إن هالمرحلة هي اللي تشكل البنت؟ البنت الحين لا هي طفلة تسكتينها بحلاوة 🍬 ولا هي كبيرة تفهم كل شيء هي في مرحلة تكوين ومحتاجة منك الاحتواء قبل أي شيء ثاني.
تعالي أقولك 🎤 وشلون تحتويها (بمواقف من يومنا)
لا تصيرين محقق 🕵️ لما بنتك تجيك تسولف لك عن سالفة صارت بمدرستها🎒📚🏫 أو غلطة سوتها (ابلعي العافية واهدي) لا تبدين بـ ليش؟ ووشلون؟🤬 اسمعي لها للآخر🔇 وحسسيها إنك سندها. إذا خافت من ردة فعلك الحين المرة الجاية بتروح تسولف للغريب
ادخلي جوّها بنتك تحب تتابع أشياء غريبة؟ مهتمة بالميك أب 💄أو التصوير📷؟ لا تقولين وش ذا التفاهة 😤بالعكس، قولي لها والله حركات🤩 علميني كيف سويتي كذا؟ لما تحس إنك مهتمة بأشياءها بتفتح لك قلبها♥️ وتصيرين أنتِ أول وحدة تدري عن أسرارها.
امدحي عقلها 🧠مو بس شكلها المراهقة دايم تمر بمرحلة تبي تعرف فيها قدرها وقيمتها فلا تبخلين عليها بالكلمة الحلوة لا تقولين بس لبسك حلو قولي لها يعجبني ذكاءك😍 أحب كيف تفكرين والله إنك صايرة سنعة وتعتمدين على نفسك👌❤️ هالكلام يبني عندها ثقافة تقدير الذات وتصير واثقة وما تهزها كلمة من أحد برا.💯👍🏻
شاوريها: حسسيها إنها كبرت 👩اسأليها وش رأيك وش نغير في الصالة؟ أو وش نطبخ اليوم؟🍓🎂🍰🍋. لما تحس إن رأيها له قيمة في البيت بتكبر وهي إنسانة واعية ومثقفة وتعرف تاخذ قراراتها صح.☑️
بنتك المراهقة محتاجة حضن يلمها مو محاضرة تزهقها كوني لها الصديقة اللي ما تخبي عنها شيء، والأم اللي توجهها بحب. تراها مرحلة وبتمشي والذكية هي اللي تطلع منها وبنتها بصفّها 💗
تعليقات
إرسال تعليق