تخيلو
معي علاقة دامت سنين مودة وعشرة 🌷وفجأة!💔 وبسبب كلمة (منقولة) ومحرفة أو كذبة انقالت في مجلس🙃 كل شيء ينهدم في لحظة! ليش صرنا نستسهل نقل الكلام وهو كذب؟ وليش فيه ناس هوايتها المفضلة هي (تخريب البيوت) بكلمتين؟🤔اليوم نبي نحط النقط على الحروف وكيف نحمي أنفسنا وبيوتنا من الناس اللي تنقل الكلام وهي ما تدري عن الحقيقة😠
👧 الي جهزو قهوتكم وحلاكم🍰🍩 وروقو معي وشاركوني ردودكم لأن اللي بقوله اليوم صدق يقرقع بصدري ولازم نحط له حد! ☕️
تخيلوا بس وحدة تزرع في بيت فلانة كذبة وتروح لبيت علانة وتزيد عليها بهارات وفجأة تكتشفين إن علاقات انقطعت وبيوت تدمرت والسبب (قال وقيل)😨 وكلام ماله أساس من الصحة!🤷🏻♀️ ليش فيه ناس هوايتها تخريب العلاقات؟ وليش صرنا نصدق أي شيء ينقال لنا بدون ما نتأكد؟👍🏻
اليوم بسولف معكم عن (نقل الكلام) وكيف الكذبة الصغيرة ممكن تصير كرة ثلج وتهدم عشرة عمر.. اسمعوا وش صار وكيف المفروض نتصرف
بقىولكم وش صار معي وصدق عرفت منه معدن الناس.. تخيلوا يوصل الظلم لأقرب الناس لك!
تخيلوا تجيهم رسالة مجهولة فيها (اسمي) وفجأة! 😳الكل قلب ضدي والكل صار يكذبني ولا وحدة فيهم وقفت وقالت خلونا نتأكد! ليش؟ قالوا إيه الرسالة مكتوب فيها اسمك يعني صايدينك!😒
يا جماعة معقولة وصلنا لهالمستوى من السذاجة؟ يعني ما تعرفون إن فيه شيء اسمه (اسم مستعار)؟ ما فكرتوا إن فيه وحدة ممكن بضغطة زر تحط اسمي بس عشان تشوه صورتي وتخرب بيننا؟ المصيبة مو في اللي كتبت الرسالة، المصيبة في اللي يعرفونك سنين وصدقوا عنك كذبة بـ (رسالة مجهولة) لا راحت ولا جت!
لازم نعرف إن (حفظ الغيبة) شيمة للأوفياء.. أنا عن نفسي لو يجي أحد ويقول لي كلام عن شخص (أعرف أخلاقه وزينه)
مستحيل أدرعم وأصدق ع على طول حتى لو كنت واثقة فيه لازم (أتأكد)🚨🚨 قبل أي ردة فعل مو أطير مع العجة وأظلم الناس اللي يصدق عنك كذبة بكلمة أو رسالة مجهولة وهو يعرفك سنين هذا أصلاً كان ينتظر الزلة فـ لا تتعبين نفسك في تبرير.. اضحكي وامشي والزمن كفيل يبيّن لكل واحد حجمه الحقيقي.
وقبل هذا كله تذكري إن لك رب ما يضيع عنده حق ورددي دايماً: (اللهم اكفنيهم بما شئت وكيف شئت، اللهم إني استودعتك قدري وشأني فصنه من كيد الكائدين)، ترى دعوة المظلوم سهم ما يخطئ ويقينك بالله هو اللي بيبرد قلبك وينصرك لو بعد حين 👍🏻تذكروا دايماً: (القافلة تسير.. والفتان ما يضر إلا نفسه)!
وإنتوا يا بنات.. قد صار لكم موقف كذبكم فيه أقرب الناس بسبب كلمة أو رسالة مجهولة؟ وكيف كان شعورك وقتها وكيف تصرفتي؟ شاركوني تحت خلونا نتعلم من بعض.
تعليقات
إرسال تعليق