رصاصة في غلاف هدايا: لما يكون التحطيم من أقرب الناس ✨☕
يا هلا والله وغلا بالبنات ✨❤️❤️حياكم الله في مجلسنا اليوم صبّوا القهوة ☕️ وخلونا نسولف في موضوع صدق يقهر ويبيله تنبيه 🚨🚨لكل وحدة فيكم
تدرون وش أكثر شي يضيق الصدر😫؟ لما الناس اللي حولك يستغلون طيبتك وهدوءك عشان يحطمونك😔. يعني تخيلي تكونين إنسانة في حالك تبدعين ببيتك تطبخين ذيك الطبخة اللي تعبتي عليها 🥘أو حتى تلبسين👗 وتكشخين بذوقك 💄 وتجي وحدة بكل برود سواء زوج أو أخت أو قريبة، وبدال ما تشجعك تقول لك: يا عمري أنتِ، ترا مسكينة وعلى نياتك 😤😤وأكلك هذا ترا عادي وناشف.👊🏻
بنات تخيلوا الموقف؟ 😨يغلفون 🧧 التحطيم بغلاف المسكنة والطيبة كأنهم يقولون لك أنتِ ضعيفة وما تفهمين. والمشكلة إن فيه بنات يصدقون 🤔وتلقين الوحدة يضيق صدرها وتقول فعلاً أنا مسكينة وما أعرف لشي.
تنبيهي لكم اليوم يا غاليات في مجلسنا: طيبة قلبك هذي "قوة"💪💪 مو ضعف. لا تخلين أحد يكسر مجاديفك بحجة إنه خايف عليك أو إنك "مسكينة". إذا زوجك قال أكلك ناشف أو أختك قالت ذوقك بسيط، ترا هذا رأيهم هم مو حقيقتك أنتِ احترافيتك كأنثى إنك تظلين واثقة😌 وتعرفين إن لمستك في بيتك وفي طبخك وفي حياتك مالها مثيل ✨✨
أنا رميت اللي بقلبي، والحين المايك 🎤 معكم يا مبدعات🌸
سؤالي لكم اليوم:🤔 قد أحد استغل طيبة قلبك عشان يحطم طموحك أو يقلل من شغلك؟ وش كانت الكلمة اللي قيلت لك وكيف رديتي عليها بذكاء؟ 🎤🤍
تعليقات
إرسال تعليق