سالفة الـ ١٥ ساعة اللي ممكن تغير مجرى حياتك للأبد
يا مساء النور والسرور على أحلى متابعين.. اليوم ما جيت أسولف عن ديكور ولا عن مدونات اليوم جيت أسولف عن "أغلى يوم في السنة". يوم عرفة قرب وتدرون وش يعني؟ يعني "جبر الخواطر صار على الأبواب
أنا مثلكم أحياناً تمر عليّ أيام أحس فيها بضغط😭 أو ندم على أشياء فاتت، أو حتى تعب من المسؤوليات😩.. بس لما يجي يوم عرفة، أحس بروحانية وطاقة غريبة. هذا اليوم اللي ربي يفتح فيه أبواب السما، ويقول لنا: ادعوني أستجب لكم
✨ وقفة مع النفس:
يوم عرفة هو فرصة لترتيب الأماني وبداية حياة جديدة بقلب مطمئن.. لا تنسي كتابة دعواتكِ بعناية.
نصيحة أختكم لكم في هاليوم:
لا تخلين المطبخ يسرقك: أدري كلنا نبي نسوي أحلى فطور، بس والله "ساعة دعاء" قبل المغرب تسوى الدنيا وما فيها.
اكتبي أمانيك: لا تشتتين نفسك، جهزي ورقة وقلم واكتبي كل شيء تبينه، رزق، راحة بال، نجاح لعيالك، أو حتى تيسير في مشروعك.
الخلوة: حاولي تخصصين لك لو نص ساعة لحالك، بعيداً عن الجوال والناس، وسولفي مع رب العالمين بكل اللي بخاطرك.
طلبي الأخير منكم: وأنا أجهز نفسي لهذا اليوم العظيم، ما نسيتكم من دعواتي.. وأبيكم وأنتم ترفعون يدينكم في أغلى الساعات، تذكرون أختكم بدعوة حلوة من قلبكم. ادعوا لي بالتوفيق في مدونتي وفي حياتي، ولكم بالمثل وأكثر يا رب.
عسى ربي يبلغنا يوم عرفة وإحنا في أحسن حال، ويجبر خواطرنا جميعاً.
تعليقات
إرسال تعليق