احترافية أنثى

دايماً أسأل صديقاتي أقاربي وكل وحدة تقابلني: يا فلانة وين حاطة عيالك؟ وللأسف الأغلبية صار ردهم واحد وبكل برود: عند العاملة سواءً كانت طالعة لدوام، أو حتى رايحة لعرس ومناسبة.. تسكر الباب عليهم مع العاملة وتروح! ولما أنصحهم وأقول يا بنات خافوا على عيالكم الكل يرد علي بنفس النغمة الواحدة عادي في كاميرات📹 ونراقبهم طول الوقت! وإذا نصحتها يطالعون فيني ويقولون 😒 مردك بكرة تتوظفين وتسوين مثلنا وتحطينهم . أرد عليهم وأقول: بإذن الله ما أحطهم من غير شر ويارب ما أحطهم بس يبتسمون ويسلكون لي بكلمة  إي إي.. بكرة نشوف! ليه محد يسمعني؟  ليه نحسس أنفسنا بأمان كاذب عشان كلمتين وتسيليك؟ الكاميرا هذي جماد تنفع لمحل، تنفع لذهب تنفع لممتلكات.. لأن الذهب لو انسرق الكاميرا بتعلمك مين السارق وبيرجع، لكن الضنا؟ لو غص بلقمة، أو طاح أو تعرض لموقف يكسر خاطره ونفسيته  وش بتسوي لك الكاميرا؟ بتقعدين تتفرجين على فيديو المصيبة وأنتِ بعيدة؟ الكاميرا تصور اللي صار، لكنها مستحيل تمد يدها وتلحق على طفلك! هي توثق الوجع بس ما تمنع وقوعه. ​  انتبهي ثم انتبهي.. ترا محد بيكون حريص على عيالك كثرك أنتِ. أكيد س...

  هلا والله بكل أم تتابعني تدرون وش أصعب شيء يمر علينا؟ يوم يرجع لك ولدك أو بنتك من المدرسة أو حتى من جمعة عائلية مكسورة خاطرهم. تحسين ودك تروحين وتهاوشين اللي ضايقهم، بس بداخلنا نعرف إن الصح هو إننا نقوي عيالنا هم عشان يواجهون العالم وهم واثقين من أنفسهم. اليوم ودي أسولف معكم عن (التنمر) وكيف نقدر نطلع عيالنا منه أقوياء.💪 تدرون وش أول شيء لازم نسويه؟  نسمع لهم.  لا تقولين له (ليه ما رديت؟) أو (خلك رجال)، هالجمل تخليه ينكمش زيادة. خليه يفضفض، وقولي له أنا معك ومحد له حق يضايقك. وبعدين، علميه  (فن البرود)  المتنمر مثل اللي يبي يشب نار 🔥إذا ما لقى حطب 🪵 (يعني ما لقى طفلك يبكي أو ينفعل)، بتطفي ناره لحالها. قولي لولدك: إذا أحد قال لك كلمة شينة، ناظر فيه 😒بهدوء وقول (طيب؟ وبعدين؟) وامشِ وخلّه. هالحركة تحسس المتنمر إنه ماله قيمة.😎 في النهاية عيالنا هم حصادنا وثقتهم بأنفسهم تبدأ من نظرتنا إحنا لهم. امدحيهم، وشجعيهم، وخليهم يحسون إن بيتهم هو المكان اللي يقدرون يكونون فيه على طبيعتهم بدون خوف. يا ليت تشاركوني.. قد مر عليكم موقف كذا مع عيالكم؟ وكيف قدرتوا تطلعونهم من...

 تخيلو  معي علاقة دامت سنين مودة وعشرة 🌷وفجأة!💔 وبسبب كلمة (منقولة) ومحرفة أو كذبة انقالت في مجلس🙃 كل شيء ينهدم في لحظة! ليش صرنا نستسهل نقل الكلام وهو كذب؟ وليش فيه ناس هوايتها المفضلة هي (تخريب البيوت) بكلمتين؟🤔 اليوم نبي نحط النقط على الحروف وكيف نحمي أنفسنا وبيوتنا من الناس اللي تنقل الكلام وهي ما تدري عن الحقيقة😠 👧 الي جهزو قهوتكم وحلاكم🍰🍩 وروقو معي وشاركوني ردودكم  لأن اللي بقوله اليوم صدق يقرقع بصدري ولازم نحط له حد!  ☕️ تخيلوا بس وحدة تزرع في بيت فلانة كذبة وتروح لبيت علانة وتزيد عليها بهارات وفجأة تكتشفين إن علاقات انقطعت وبيوت تدمرت والسبب (قال وقيل)😨 وكلام ماله أساس من الصحة!🤷🏻‍♀️ ليش فيه ناس هوايتها تخريب العلاقات؟ وليش صرنا نصدق أي شيء ينقال لنا بدون ما نتأكد؟👍🏻 اليوم بسولف معكم عن (نقل الكلام) وكيف الكذبة الصغيرة ممكن تصير كرة ثلج وتهدم عشرة عمر.. اسمعوا وش صار وكيف المفروض نتصرف بقىولكم وش    صار معي وصدق عرفت منه معدن الناس.. تخيلوا يوصل الظلم لأقرب الناس لك! تخيلوا تجيهم رسالة مجهولة فيها (اسمي) وفجأة! 😳الكل قلب ضدي والكل صار ...

  يا هلا والله وغلا بالجميلات اشتقت لكم وللسوالف معكم 🌸🌷اليوم موضوعي مههههممم  ويهم كل وحدة فينا. ودي أسولف معكم عن (القلوب الحساسة) 😩اللي صايرة تضيق من أتفه كلمة وتكتئب بسرعة.. تلاحظون هالشيء صاير زايد هالايام؟ 1/أكيد في كل بيت (اللمسة الواقعية) والله يا بنات أنا متأكدة إن في كل بيت لازم نلقى هذا الشخص الحساس بزيادة اللي إذا قلتِ له كلمة (يمين) فهمها (يسار)، وزعل واكتئب وقفل على نفسه الغرفة 🤕أو يمكن إنتِ نفسك صايرة كذا؟ تحللين الكلمة، والنبرة، وحتى السكتة وتعيشين في دوامة اكتئاب ماله داعي، والناس حولك عايشة حياتها ولا درت عن اللي بقلبك. 2/الحساسية في عالم السوشل ميديا والمصيبة الحين مع السوشل ميديا، زادت الحساسية دبل! لو فلانة ما ردت على السناب، أو شافت رسالتك بالواتساب وطولت ما ردت، قمتِ وقلتِ: (أكيد زعلانة، أكيد أنا سويت شيء!). صرنا نربط نفسيتنا وسعادتنا بشاشة، ونكتئب لو ما لقينا التفاعل اللي نبيه.. ترا والله مو كذا تدار الأمور يا جميلات حبيبات قلبي🌷❤️ أنا فاهمتكم وعارفة إن قلوبكم طيبة ورهيفة، بس الدنيا والله ما تسوى تذبلين عشان موقف أو كلمة عابرة. خلك أذكى من كذا، ومر...

يا هههلا والله بكل البنات👧👧نورتوني تدرون ماباقي إلا شهر تقريباً على أجمل أيام الدنيا 🤩ومن الحين وقلبي يدق.❤️. يوم عرفة بالنسبة لي مو بس يوم عبادة، هو يوم جبر الخواطر😭اللي شفته بعيني. بقولكم موقف صار لي وللحين كل ما أتذكره يدمع عيني  قبل كم سنة كان في خاطري أمنية الصدق كنت أقول بيني وبين نفسي🥹 يا هاجر هذي صعبة يبيلها معجزة. جاء يوم عرفة واعتزلت الناس من العصر للمغرب، وقعدت أدعي بقلب ما دارت السنة إلا   وهالمستحيل صار حقيقة قدام عيني ) الموقف يا بنات إني كنت حاطة كل أملي في وظيفة وحدة وقاعدة أنتظر "القبول" بفارغ الصبر🥲 وكنت أحس إنها هي المخرج الوحيد لي. جاء يوم عرفة، ودعيت ربي يرزقني الرزق الواسع اللي يغنيني ويفتح لي أبواب ما كنت أتخيلها. تدرون وش صار؟ ما انقبلت في ذيك الوظيفة! وقتها انصدمت 😭💔بس بعدين استوعبت إن ربي صرفها عني عشان يفتح لي باب التجارة والتدوين اللي أنا فيه الحين. عرفت إن "الرزق" مو بس مكتب وراتب الرزق إنك تكونين ذكية وتعرفين تطلعين الفلوس وأنتِ بمكانك، وبكل ثقة قررت في لحظة صدق مع نفسي إني أوقف انتظار وقفت أنتظر الفرصة تجيني، وقررت أنا أصنعها. ...

​ يا هلا والله بكل البنات الجميلات في مدونتي   احترافية أنثى  💕💗 بنات خلونا نكون صريحات فيه أحد فينا يحب الكوي♨️؟ الصراحة هو أكثر همّ في شغل البيت 😤 وياخذ من وقتنا وجهدنا بس تدرون وش اكتشفت؟ السر مو فينا ولا في تعبنا السر كله في المكواة اللي نستخدمها! أنا اليوم جاية أختصر عليكم المشوار وعشان ما تغلطون نفس غلطتي وتضيعون فلوسكم على أنواع تتعب اليد أو تنقط موية وتخرب الملابس حبيت أعطيكم الخلاصة في هذي المكواة اللي صدق غيرت نظرتي للكوي وخلاص اعتمدتها👍🏻 تخيلوا يا بنات كنت دايم أقول ليش ملابس المصابغ تطلع مرتبة وواقفة؟ 👔👚وليش أنا في البيت أتعب🤕 والنتيجة عادية؟ 😭الين طحت على هذه الجميلة وعرفت إن القوة في القاعدة حقتها. ليش أقولكم لا تشترون غيرها؟ تزلق زلق  قاعدتها فيها تقنية تخليها تمشي على القماش بلمسة وحدة يعني ما يحتاج تضغطين بقوة وتتعبين يدك هي تخلص الموضوع عنك. حرارة بلمحة بصر  قوتها 2800 واط يعني ما يمديك تعدلين ياقة القميص إلا وهي حارة وجاهزة. دقة للمناطق الصعبة  رأسها نحيف يوصل للأماكن الضيقة بين الأزرار بكل سهولة. نظافة الملابس  أهم شيء عندي إنها...

يا هلا والله بكل اللي يقرؤون 🌸💐🌹 تخيلي قاعدة في أمان الله بوسط الجمعة وقطت وحدة كلمة كأنها سم 🐍مغلف بضحكة الكل سكت 😶 وبلم فيك ينتظر ردة فعلك! 🤨هنا يجي السؤال الصعب هل أسكت وأمشيها وأكون (متغافلة) وراقية؟ ولا لو سكت بيحسبوني غبية وبداية (استغفال)؟ اليوم بكسر لكم هالحيرة ونعرف متى نمشيها بمزاجنا ومتى نوقفهم عند حدهم🛑 تدرون وش الفرق؟ خلونا نشوف هالمواقف من قلب جمعاتنا🤍 الموقف الأول: نغزات الكلام وحدة في الجمعة قطت كلمة تلمح لشيء فيكِ، أو في لبسك، أو حتى في عيالك.👦🧒 التغافل الذكي:  إنك تسمعينها👂 وتناظرين فيها بابتسامة باردة 😊وتكملين سالفتك مع اللي جنبك وكأنك سمعتِ طنين ذبابة هنا أنتِ تغافلتِ ترفعاً وبينتِ لها إن كلامها أصغر من إنه يحرك فيك شعرة. الاستغفال (اللي لازم ترفضينه) ⛔️ لو هي كل مرة تشوفك فيها تخصص لك "نغزة" وتقلل أدبها قدام الكل وأنتِ ساكتة وتبتسمين 😃هنا الناس بتعود إنك "ملطشة" وممكن يتجرؤون عليكِ هنا الرد لازم يكون هادي وبسؤال وش قصدك بهالكلمة يا فلانة؟ 🤨بسؤال واحد يخليها هي اللي تتورط بالتبرير😰. الموقف الثاني: "الميانة" اللي تقلب قلة ...

​   يا هلا والله بكل اللي يتابعون مدونتي احترافية أنثى💕. تدرون يا بنات زمان كان البيت يضج بصوت اللعب🛝🎲♟️والمناقر بين الأخوان👦 وتحسين فيه حياة 🌹 الحين؟!  تدخلين البيت تلقين كل واحد بزاويته وجهه منور بضوء الشاشة ولا يدري عن اللي حوله. لو تنادين🔊 من اليوم لبكرة ما أحد يرد عليك😩 كأن الآيباد📱 صار هو الأهل وهو الصديق وهالشي والله إنه يخوف ويضيق الصدر. أدري الضغوط علينا كبيرة بس لمتى؟! خلينا نكون صريحين أدري إن المسؤوليات على راسنا ما تخلص وأحياناً ننجبر نعطيهم الجهاز بس عشان نخلص أشغالنا أو نبي هدوء بالبيت لو ساعة نريح فيها بالنا بس الصدمة 😰إننا لقينا عيالنا تعودوا بزيادة وصار الطفل يفتقد لمتعة اللعب الحقيقي ما يعرف يستانس بصلصال ولا مكعبات🎲 يبي بس هالشاشة وسحب الأصابع وتقليب المقاطع. أعراض الإدمان اللي واضحة قدامنا  شفتي كيف ولدك يقلب الدنيا ويعصب😡 لو سحبتِ منه الجهاز؟ أو كيف بنتك ما عاد تبي تطلع معنا للاجتماعات لأن ما فيه شاحن أو النت ضعيف؟ 🛜 هذي مو مجرد شطانة هذا إدمان حقيقي أثر على أعصابهم ونومهم وحتى عيونهم👀 مساكين ذبلت من كثر التركيز بهالشاشة اللي تسرق وقتهم....

​ يا هلا والله بكل أم 💕 اليوم ودي أفتح معكم موضوع يبي له طولة بال وهو  بناتنا في سن المراهقة تدرون إن هالمرحلة هي اللي تشكل البنت؟ البنت الحين لا هي طفلة تسكتينها بحلاوة 🍬 ولا هي كبيرة تفهم كل شيء هي في مرحلة تكوين ومحتاجة منك   الاحتواء   قبل أي شيء ثاني. تعالي أقولك 🎤 وشلون تحتويها (بمواقف من يومنا) لا تصيرين محقق 🕵️ لما بنتك تجيك تسولف لك عن سالفة صارت بمدرستها🎒📚🏫 أو غلطة سوتها (ابلعي العافية واهدي) لا تبدين بـ ليش؟  ووشلون؟🤬  اسمعي لها للآخر🔇 وحسسيها إنك سندها. إذا خافت من ردة فعلك الحين المرة الجاية بتروح تسولف للغريب  ادخلي جوّها  بنتك تحب تتابع أشياء غريبة؟ مهتمة بالميك أب 💄أو التصوير📷؟ لا تقولين وش ذا التفاهة 😤بالعكس، قولي لها والله حركات🤩 علميني كيف سويتي كذا؟ لما تحس إنك مهتمة بأشياءها بتفتح لك قلبها♥️ وتصيرين أنتِ أول وحدة تدري عن أسرارها. امدحي عقلها 🧠مو بس شكلها   المراهقة دايم   تمر بمرحلة تبي تعرف فيها قدرها وقيمتها  فلا تبخلين عليها بالكلمة الحلوة  لا تقولين بس لبسك حلو  قولي لها يعجبني ذكاءك😍 أحب...

​ يا هلا والله وغلا بالبنات ✨❤️❤️حياكم الله في مجلسنا اليوم صبّوا القهوة ☕️ وخلونا نسولف في موضوع صدق يقهر ويبيله تنبيه  🚨🚨لكل وحدة فيكم  تدرون وش أكثر شي يضيق الصدر😫؟ لما الناس اللي حولك يستغلون طيبتك وهدوءك عشان يحطمونك😔. يعني تخيلي تكونين إنسانة في حالك  تبدعين ببيتك تطبخين ذيك الطبخة اللي تعبتي عليها 🥘أو حتى تلبسين👗 وتكشخين بذوقك 💄 وتجي وحدة بكل برود سواء زوج أو أخت أو قريبة، وبدال ما تشجعك تقول لك:   يا عمري أنتِ، ترا مسكينة وعلى نياتك 😤😤وأكلك هذا ترا عادي وناشف.👊🏻 بنات تخيلوا الموقف؟ 😨يغلفون 🧧 التحطيم بغلاف المسكنة والطيبة كأنهم يقولون لك أنتِ ضعيفة وما تفهمين. والمشكلة إن فيه بنات يصدقون 🤔وتلقين الوحدة يضيق صدرها وتقول فعلاً أنا مسكينة وما أعرف لشي. تنبيهي لكم اليوم يا غاليات في مجلسنا:  طيبة قلبك هذي "قوة"💪💪 مو ضعف.  لا تخلين أحد يكسر مجاديفك بحجة إنه خايف عليك أو إنك " مسكينة ". إذا زوجك قال أكلك ناشف أو أختك قالت ذوقك بسيط، ترا هذا رأيهم هم مو حقيقتك أنتِ  احترافيتك  كأنثى إنك تظلين واثقة😌 وتعرفين إن لمستك في بيتك وفي ...

​ كثير منا يحرج ويستحي 😩ويضغط على نفسه بس عشان ما يزعل فلان أو علان.. 😫😤لكن تدري إن كلمة " لا " في وقتها هي أكبر هدية تقدمها لنفسك؟ طيب متى فعلاً لازم تقولها؟❓🤔 إذا كان الموضوع على حساب راحتك ونفسيتك 💆🏻‍♀️  إذا جالك طلب وأنت مضغوط أو تحس إنك لو وافقت بتجلس طول اليوم شايل هم ومتكدر هنا قول "لا" وأنت تضحك راحتك النفسية أولى من أي "مجاملة" ممكن ترهقك✋ إذا كان يضيع "وقتك" وأنت عندك أولويات ⏰  عندك شغل عندك بيت 🏠 عندك عيال👦👧 أو حتى تبي وقت تقعد فيه مع نفسك. إذا أحد طلب منك شي بياخذ من وقتك المهم اعتذر بلباقة. تذكر إن يومك فيه 24 ساعة بس، وأنت أحق الناس فيها. إذا حسيت إنك "مجبور" مو "راضي" ✋🏻  أحياناً نوافق على أشياء بس عشان "الناس وش بيقولون؟🙄. إذا كان فعلك للشيء طالع من ضغط أو خوف من كلام الناس، هنا "لا" 🙅🏼‍♀️هي القرار ✅. اللي يحبك صدق بيقدر ظروفك🤷🏻‍♀️ إذا كان الطلب ضد "مبادئك" أو "قناعاتك" 🚫  أي شي تحس إنه غلط أو ما يشبهك أو يخليك تحس بذنب لا تتردد لحظة. كلمة "لا" هنا ه...

يا هلا والله ✨🌸وغلا بكل اللي نوروا مدونتي.. بنات كم مرة  🤔  انحرجتوا ووافقتوا على شيء وأنتم مالكم خلق بس عشان ما تكسرون بخاطر أحد؟ وكم مرة ضغطتوا على أعصابكم ووقتكم بس عشان كلمة ايه طلعت منكم بالغلط؟ اليوم حابة أفضفض معكم شوي ونعلم بعض شلون نصير احترافية 💎 حتى في اعتذاراتنا ونقول لا بكل ثقه😏 وبدون ما نشيل هم الزعل  💪 وعشان ما أطول عليكم هذي ٣ طرق جربتها وصدق غيرت تعاملي مع الناس وريحت بالي😌 1  الاعتذار اللبق:  تسلمين والله إنك فكرتِ فيني بس والله جدولي هالأيام مرة مزحوم وما ودي أقصر معك 2  الاعتذار مع تأجيل:  ودي والله أساعدك بس اليوم ما يمديني أبداً وش رايك نكلم بعض الأسبوع الجاي؟' 🗓️  ٣  الرفض القصير والذكي:  شكراً على الدعوة يا قلبي بس للأسف ما أقدر أحضر وإن شاء الله تجتمعون بالخير☕✨ كلمة أخيرة من اختكم هاجر🌹 تذكري إنك لما تقولين لا لشيء يضغطك أنتِ فعلاً تقولين نعم لراحتك النفسية.❤️